Mangkukulam.comKababalaghan at Alamat

Duwende

Mangkukulam from Filipino Folklore

Basahin "Duwende" Sa English

Duwende o nuno sa punso,

mga karaniwang katawagan sa mga maliit na nilalang na hindi nakikita ng mga karaniwang tao. Ang mga ito ay naninirahan sa gubat, puno, punso, o mga luma at malalaking tirahan na matatagpuan sa mga probinsya.

Ang dwende ay nagpapakita sa mga iilang tao lang, kapag ikaw ay kanilang nagustuhan. Katulad ng dwende na naninirahan sa bahay, ayon sa mga nakakakita, sila ay nakikipaglaro. Dinadala ng dwende ang taong   kanyang kinaibigan sa lugar nila. Sa mga karaniwang kwento na nagpasalin-salin sa bawat henerasyon, ang kanilang lugar ay isang paraiso na di inaakala ng tao na may ganito. Puno ng ginto ang kanilang kaharian. Sila ay mahilig mag kolekta ng mga iba’t ibang bagay. May kasabihan ang matatanda na kapag may nawala na bagay sa iyong bahay ito ay kinuha ng dwende, na kahit hanapin mo ay hindi makikita, at kapag napag pasyahan mong huminto sa paghahanap saka ito lalabas sa isang lugar na parang walang nagyari.

May mga dwende din na nagkakagusto sa tao. Karaniwan ay sa mga babae. Ito ay kanilang inaangkin ng hindi namamalayan. Dwende na laging bumibisita, at minsan , ay hindi pinapakain, hanggang sa bumagsak ang katawan at unti-unting namamatay.

May mga dwendeng sadyang mapaglaro, ito ay nakatira sa gubat, na kung minsan na may napadaan, sadya nila itong ililigaw sa gubat. Inililipad sa himpapawid. At ibabalik kung kelan nila gustuhin.

May mga dwende na sa punso naninirahan.

Sa mga gubat kapag ikaw ay may nakita, ayon sa kasabihan ng matatanda ay kailangang mag paalam kung dadaan o “tabi-tabi po’’ ay kailangang banggitin, para hindi sila maistorbo at magalit. Kapag sila ay nasaktan , ito din ang kanyang ipaparamdam sa taong nanakit sa kanya. Katulad halimbawa kung sila ay iyong napilayan sa paa, ganun din ang mangyayari sa ‘yo. Kung sila ay tinamaan mo ng bato sa mukha, ikaw din ay magkakaroon ng mga pasa sa iyong mukha. Ibabalik nila at ipaparamdam sayo kung ano ang ginawa mo sa kanila.

Mahilig din silang makipaglaro at magpakita sa mga bata. Kung minsan ay nakikita natin na mag isang nagsasalita, ito ay sinasabing may kausap na dwende.

May masasamang dwende at meron ding mabubuti. Ang mga pinaniniwalaang masamang dwende na nakatira sa bahay ay pinapaalis sa pamamagitan ng ritwal na ginagawa ng isang albularyo. At ang mabuting dwende na nananahan sa bahay ay kanilang hinahayaan na lang.

Bukod sa Dwendeng itim at puti, meron pang ibang uri ang mga dwende. Ayon sa aking nakapanayam kung saan sya ay may third eye at sinabi nya sa akin na sya ay nakakita na ng dwende.

Ayon sa kanya, ang itim na dwende ang mabait kabaliktaran ng sinasabi ng ibang tao. Ang pulang dwende ang pinakamasama sa lahat ng uri, dwendeng puti naman ang mapaglaro at tuso. At ang isa pang kulay ng dwende ay berde. Kung saan ito ay mahilig makipag laro sa mga bata ngunit mailap at medyo mahiyain. Kailangang suyuin.

Dwendeng Itim

Online eLoad for Globe, Smart

Aking napag alaman sa aking pakikipag usap sa ilang tao tungkol sa mga uri ng dwende, karamihan sa kanila ay sinasabing ang dwendng itim ang pinakamasama sa lahat. Ang hitsura nito ay marungis, masama nag ugali at madalas pinag lalaruan ang mga taong kanyang matipuhan. Ngunit taliwas ito sa pahayag ng isa pang aking nakapanayam. Base sa kanyang kwento ang itim na dwende ay mapaglaro at swerte. Kapag daw ikaw ay nakakita ng itim na dwende, ito ay nakapagbibigay ng swerte sa iyong buhay, ngunit wag lang silang gagambalain.

Dwendeng Pula

Ang pulang dwende naman ayon sa kanya ay ang pinakamatapang. Sila ay nakakatakot, at kapag nagpakita sayo ay maaaring may mangyaring masama sa iyo o ibang miyembro ng pamilya. Huwag makipagkasundo sa dwendeng pula sapagkat ito daw ay tuso. Maaaring kapag ikaw ay nakipagsundo ay hindi nya tuparin ang inyong usapan. Hanggat maaari ito ay iwasan.

Dwendeng Puti

Ang dwendeng puti ay tahimik, kapag sya ay nagpakita, huwag kausapin dahil kapag nakuha nya ang iyong atensyon, ikaw ay paglalaruan nito. Ngunit ito ay mapaglaro lalo na sa mga bata. Kailangang mahinahon sa pakikipag usap sa kanya. Ito daw ay may kaalaman sa panggagamot sa mga nabarang.

Dwendeng Berde

Mapaglaro lalo na sa mga bata. Sinasabing ito ay swerte sa sugal. Ngunit huwag magtiwala dahil kung minsan ito ay pihikan. Ito ay mailap kapag tinawag upang kausapin, kaya kailangang suyuin. Gumamit ng bata kung ito ay tatawagin o kakausapin.

Marami man ang uri ang mga dwende base sa kanilang kulay at ugali, ang sabi ng matatanda at naniniwala sa kanila, ang mahalaga ay ang pagbibigay ng respeto sa kanila upang hindi maparusahan o paglaruan.

Katulad natin, kailangan din nila ang respeto mula sa atin.

kaya maging magiliw at magbigay respeto, sa kung anumang nananahan sa inyong tahanan.

‘’Nuno sa punso, tabi tabi po.’’

Kwentong Duwende

Meron kang kwento? Gusto mong share?

Ibahagi Ang Iyong Kwento



#15: Guest #596 (ryan689) - at 12:37 on 13 Jul 2017


meron akong sikreto na gustong sabihin sa inyo.nag start ito nung Dec.03,2016 sa luob ng kwarto ko habang papatulog na ako.,nung gabing yun alas otso pasado nahiga na ako ng kama,pinikit ko ang mga mata ko ng bigla akong may narinig na kakaibang tunog.nag umpisa ung tunog na un sa mahina tas biglang mawawala tas babalik na mas malakas sa naunang tunog nasa 5x ung from mahina to malakas na tunog 2second each sound un.ung tunog na un ay parang tv na walang palabas like(krrkrrrkrr)pagkatapos nun bigla itong nawala.(nung time na ung ay nakapikit na ako)after mawala ung tunog na un,meron naman akong narinig na pangalawang tunog na para bang pinupunit na yero napakalakas ng tunog.at that time nanginginig na ang ulo ko sa lakas ng tunog.tapos nawala bigla ung tunog na mapaka lakas.

nakapikit pa rin ako nung time na un nang bigla akong may na aaninag na imahe ng isang kwarto na ang pader ay yari sa bricks na may munting patungan na may nakapatong na mga garapon at bote at ang pinto ay bilog.nang makita ko un tumindig ang mga balahibo ko mula leeg papunta sa mga braso ko sa takot pinipilit kong imulat ang mga mata ko pero di ko kaya.tapos biglang lumiwanag ng napaka liwanag sobrang liwanag na nakakasilaw.akala ko talaga nun ay naimulat ko na ang mga mata ko kase may nakita na akong liwanag,pero naalala ko alas otso pasado na ng gabi un nakapatay ang ilaw ko at ang tanging liwanag na lang ay ung nanggagaling sa bintana.

nadagdagan ang kaba ko pilit ko iminumulat ang mga mata ko.at nang maimulat ko na ang mga ito,nakita ko na ang kwarto ko,nakatitig ako sa kisame.meron akong napansin sa may bandang kaliwa ng uluhan ko na nasa 6-8 inches ang taas at kulay itim na bagay o kung ano man un.at that time na ililingon ko sana ung ulo ko para tignan kung ano un ay biglang tumigas ung buo kong katawan tumiklop ang dalawa kong braso pati na rin ang mga daliri ko sa mga paa at kamay.pinagpapawisan na ko nung time na un at maluhaluha sa sobrang takot.

after nun biglang may bumulong sa kaliwang tenga ko ng kung anong lingwahe,papalayo ng papalayo ang ulo ko sa bumubulong hangang lumaylay na ito sa gilid ng kama ko,naka (single bed lang kase ako).at ung kalahati ng katawang ko mula bewang hangang sa paa ay nasa mismong pwesto parin at naninigas.tapus nun nawala na ung naririnig kong bulong,naigagalaw ko na ulit ang katawan ko.tumayo ako kaagad lumabas ako ng kwarto at sa sofa na lang ako natulog.3days ako di natulog sa kwarto ko,namimiss ko na matulog sa kwarto ko.ang ginawako ko kumuha ako ng rosaryo,panali at isang malaking garapon ng stick'o.mag tapang tapangan ako at balak kong isuot sa kanya ang rosaryong hawak ko pag matutulog na ako at itali sya tas ikulong sa garapon.pero sa kasamaang palad di sya lumabas.

mga ilang lingo ang lumipas,naririnig ko na ulit ung tunog.pero dahil sa takot iminumulat ko na lang kaagad ang mga mata ko,at sa daming beses na nangyari sakin un ay nasanay na ako.alam ko na rin kung kailan at kung pano palalabasin ung tunog na un.un ay kapag nakapikit ako at wala akong ibang naririning ket kaunting kaluskos.mawawala nmn sya kapag sa unang mahihinang tunog plang ay imumulat ko na kaagad ang mga mata ko,.kaya nmn ang ginawa ko ay makanulat ako at nag hihintay mapapikit dala ng antok.di gaya ng iba na pumipikit na kaagad.

may time din na nag try ako gawin un sa ibang lugar para malaman ko kung sa kwarto ko lang talaga nangyayari un hanggang nadiskubre ko na nasa akin na pala ung something.like sa trabaho,after launch matutulog ako naghanap ako ng tahimik na lugar ng maipikit ko ang mga mata ko,wala ung tunog pero may nga imahe akong nakikita like mga mukha na tumatawa,mga taong nag uusap,kulubot na kamay ng matanda mga libro at kung ano ano pa.

(hangang ngayon july2017 may nakikita at naririnig parin akong tunog).

#14: adminkal - at 18:58 on 31 May 2017


naalala ko pa noong elementarya pa ako bigla akong nag karoon ng isang malaking bukol sa kilikili akala ng lola ko ito ay isang uri ng sakit kung tawagin ay sis pinauwi ng lola ko ang aking ina mula sa maynila upang sa ganon mapagamot ako sa hospital ngunit noong ipagamot ako walang anomang findings ang makita ng doctor ang dami na ng hospital na napuntahan namin ngunit iisa lamang ang sinasabi ng doctor walang findings na makita buti nalang me kaibigan si inay na meron kakilalang albularyo sa me blumentritt sa dangwa sinamahan nya kami doon at doon namin nalaman na ako ay nakatapak ng isang duwende or nunu habang kalaro ko ang aking alagang aso sa aming likod bahay sa probinsya ang sabi ng albolaryo natapakan ko daw ang duwende or nunu sa parting kilikili kaya daw pinalaki din ng duwende or nunu ang isang bahagi ng aking kilikili maya maya kumuha ang albularyo ng isang puting salonpass nilagyan nya yun ng sulat na hindi maintindihaan at nag lagay ng baso na melamang tubig maya maya nag salita ang albularyo ng lenguwahe ng hindi parin mahintindihan at nag lagay ng bigay sa baso ng me lamang tubig at pag katapos nyang mag salita pinahinom nya saakin ang tubig na meroong bigas at sinabi nya na kung ilan ang matitirang naka iwan na bigas yun ang bilang ng dwende na nagambala mo me natirang tatlo at iginuhit nya ang bilang tatlo sa puting salonpass na nilagyan nya ng hindi maintindihan na sulat pag tapos ay idinikit nya ito mula sa aking kili kili at pina uwi nyana kami pag lipas ng isang araw kusang nawala ang bukol sa aking kilikili dun ako labis na namangha dhil ang mga doctor khit anong check up ang gawin nila walang makita kahit anong findings bikit patuloy sa paglaki ang bukol sa kilikili ko pero di pa dun natapus ang mga pang yayaring yun makalipas ang ilang taon muli akong bumalik ng maynila upang mag bakasyon sa aking ina laking lola kc ako sa aming probinsya noong nasa maynila na ako mga ilang araw nilagnat naman ako ng napakataas mag hihigit isang bwan na un ang ginawa ng aking ina pina albularyo muli ako fun parin sa albularyo ko dati at ang sabi mukhang nakursunadahan daw ako ng duwende o nuno kaya patuloy nya akong sinundan hangang dito sa maynila noong nag tawas sya nakita nya daw doon na abang naliligo ako nabuhusan ko ng tubig ung duwenfe or nuno kaya yun napag laruhan na naman ako... masyado na mahaba kwento ko meron pa nga ng yari ngaun sa edad kong 26 meron parin akong pangamba na hangang ngaun kasama ko sya kc ewan mahirap ipaliwanag...

#13: Guest #545 (janry) - at 18:12 on 30 Apr 2017


...nung grade 3 aq.tanghling tpat brktym nun hbang nglalaro kmi ng sekyo base ng
mga kaklase ko bigla aqng nptitig s harapan ng plagpole ng school nmin..bigla kcng my sumagi sa pningin q n parang my qung anung pumasok s loob ng mga tanim sa harap ng plagpole kya medyo nilapitan q..bigla aqng ngulat ng bilang my lumabas n dwendeng pula at puti n nghhbulan..nptigil cla at nptingin skin ung pulang dwende..mga 15cm. Lng ata ang taas nla..tas bigla rin clng tumago kya bigla kung tinawag ung mga klaro q
At cnabi qng may nkita aqng dwende pero di n ngpkita smin..at nang mkauwi n aq s aming ngiba n ang aking pakiramdam..npkataas ng lagnat q at ang bigat ng katwan q...kinbuksan nwla rin ung lgnat q kya pumsok n aq s school pero ng mga 10 am. Bigla n nmn aqng nilgnat ng subrang init kya pinacheck up aq..kinuhaan aq ng ihi bka daw may uti aq pero wla nmn uti..3 day nang pblik blik lgnat q kya pinaalbularyo n aq ng mama q.nung nsa albularyo n kami dung lng nlman n npglaruan daw aq ng mga laman lupa tas nkita s kandila itsurang dwende n medyo bilog ang pisngi.ska ko lng naikwento sa knila n nkakita aq ng dwende s school..

#12: Guest #521 (hero jay guarin) - at 23:03 on 06 Apr 2017


My kakilala ako... my nakita daw xang apat na puting dwende at isang pulang dwende...lagi daw silang nasa kusina..
Ang puti daw ay simbolo ng pera at ang pula daw di nia mabasa kung anong ibig sabihin..
Ano kaya ang ibig sabihin ng mga ito..

#11: Guest #292 (lovely) - at 16:28 on 10 Mar 2017


Meron akong video na nagpaapakita ang duwende na itim habang kumakanta ako.. hindi ko alam kung saan sya galing basta nasa sala lang ako nun

5 older comments